MƏDƏNİYYƏT


SARICA-MİNBƏRƏK DÜZÜNDƏ MUZEY-QORUQYARADILACAQDIR

Dünya əhəmiyyətli arxeoloji abidələr siyahısına daxil olan Qax rayonunun Sarıca-Minbərək ərazisindəki qədim yaşayış yeri və kurqanlar düzündə muzey-qoruğun yaradılması ilə bağlı hazırlıq işləri aparılır.

Rayon mədəniyyət şöbəsinin müdiri Nəzir Omarov AZƏRTAC-ın müxbirinə bildirmişdir ki, yeni yaradılacaq muzey-qoruğun sərhədlərinin müəyyənləşdirilməsi məqsədi ilə AMEA Arxeologiya və Etnoqrafiya İnstitutunun əməkdaşları bu günlərdə Sarıca-Minbərək arxeoloji zonasında olmuş, yerli mütəxəssislərlə birgə əraziyə baxış keçirmişlər. Arxeoloji abidənin mühafizə zonası öyrənilərək dəqiqləşdirilmişdir. Hazırda Torpaq və Xəritəçəkmə Komitəsinin rayon şöbəsində muzey-qoruğun xəritəsi hazırlanır.

Xatırladaq ki, eneolit, tunc və dəmir dövrlərinə aid edilən, yəni eramızdan əvvəl IV minilliyin sonu - I minilliyin ortalarına qədər dövrü əhatə edən Sarıca-Minbərək abidələr qrupu 1984-cü ildən elmi tədqiqata cəlb edilmişdir. AMEA Arxeologiya və Etnoqrafiya İnstitutu əməkdaşlarının apardığı arxeoloji kəşfiyyat, qazıntı və elmi tədqiqat işləri nəticəsində bu ərazidə 4 qədim yaşayış yeri, müvəqqəti dayanacaqlar, tunc dövrünə aid yüzlərlə kurqan, 2 nekropol, qədim ziyarətgahlar, qala divarlarının qalıqları qeydə alınaraq, arxeoloji tədqiqata cəlb edilmişdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.