ABŞ Suriyanı “Terrorizmin sponsorları” siyahısından çıxarıb
Vaşinqton, 25 avqust, AZƏRTAC
Amerika Birləşmiş Ştatları (ABŞ) administrasiyası rəsmi olaraq Suriyanı Dövlət Departamentinin "Terrorizmin sponsorları" siyahısından çıxarıb.
AZƏRTAC xəbər verir ki, həmçinin bu ölkə ilə bağlı bir müddət əvvəl elan edilmiş bir sıra sanksiyaların ləğvi təsdiqlənib.
Qeyd edək ki, ABŞ-nin Dövlət katibi Marko Rubio iyulun əvvəlində Suriyanın müvafiq siyahıdan çıxarıldığını bildirib. Lakin rəsmiləşdirilməzdən əvvəl konqresin nəzərdən keçirməsi üçün 45 günlük müddət var idi. Dövlət və Xəzinədarlıq departamentləri bu müddətin artıq başa çatdığını və sanksiyaların demək olar ki, tamamilə aradan qaldırıldığını açıqlayıb.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
