Şahmat üzrə Azərbaycan çempionatında finalçılar müəyyənləşib
Naxçıvan, 17 fevral, AZƏRTAC
Naxçıvan Şahmat Mərkəzində keçirilən kişilər arasında şahmat üzrə Azərbaycan çempionatında finala yüksələn zəka sahiblərinin adları məlum olub.
AZƏRTAC-ın Naxçıvan bürosu xəbər verir ki, ilk finalçı ikinci oyunda da qələbə qazanan qrosmeyster Misrətdin İsgəndərov (2566) olub. Onun rəqibi qrosmeyster Aydın Süleymanlı (2530) qara fiqurlarla mütləq qələbə qazanmalı idi ki, yalnız bu halda görüş “uzatmaya” qalacaqdı. Lakın Misrətdin qaraların oyunu mürəkkəbləşmə cəhdlərinin qarşısını alıb və sonda “h5” xanasında dayanan topu “həbs etməklə” oyunun taleyini həll edib.
İkinci görüşdə isə qaralar ilə oynayan beynəlxalq usta Məhəmməd Muradlı (2528) məqsədinə nail olub və qrosmeyster Vasif Durarbəyli (2615) üzərində qələbə qazanaraq hesabı bərabərləşdirib. İki klassik oyun heç-heçə başa çatdığından növbəti oyun keçirilib. Bu görüşdə Məhəmməd Muradlı qalib gəlib və adını finala yazdırıb.
Fevralın 18-dək çempionatın medalçılarının adları məlum olacaq.
Bölmənin digər xəbərləri
