REGİONLAR


Şamaxıda məktəblərin həyətlərində 700 ədəd ting əkilib

Şamaxı, 27 noyabr, AZƏRTAC

Təhsil Nazirliyi Heydər Əliyev Fondunun vitse-prezidenti, IDEA İctimai Birliyinin təsisçisi Leyla Əliyevanın təşəbbüsü ilə təhsil müəssisələrində “Azərbaycan Xalq Cümhuriyyətinin 100 illiyinə 100 min ağac” devizi altında ağacəkmə aksiyasına başlayıb. Bu aksiyada Şamaxı rayonunun təhsil işçiləri də fəal iştirak edirlər.

Rayon Təhsil Şöbəsindən AZƏRTAC-ın bölgə müxbirinə bildirilib ki, aksiya ilkin olaraq 70 ümumtəhsil məktəbindən 35-də keçirilib. Təhsil ocaqlarının həyətyanı sahələrində 200-dən çox təhsil işçisinin iştirakı ilə 700 ədəd ting əkilib.

Aksiyanın məqsədi gənc nəsil arasında ətraf mühitin qorunması, ekoloji tərbiyənin gücləndirilməsi və təbiətə qayğı hissi aşılamaqdır. Aksiya Cümhuriyyət dəyərlərini təbliğ etməklə yanaşı, məktəblərin həyətyanı sahələrinin yaşıllaşdırılmasına xidmət edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.