REGİONLAR


Sumqayıtda şəhidlərə həsr olunan “Zirvəyə ucalanlar” adlı xalça sərgisi açılıb

Sumqayıt, 23 yanvar, Ətrabə Rzayeva, AZƏRTAC

Sumqayıt Regional Mədəniyyət İdarəsi, S.Vurğun adına Mərkəzi Kitabxana və Sumqayıt Dövlət Rəsm Qalereyasının birgə təşkilatçılığı ilə “Zirvəyə ucalanlar” adlı sərgi-tədbir keçirilib.

Qalereyanın direktoru Ellada Həsənova AZƏRTAC-a bildirib ki, əvvəlcə qonaqlar “Zəng” adlı qısametrajlı bədii filmi izləyiblər. Filmin yaradıcı heyəti - rejissor Ruslan Sabirli, Əli Quli, qazi Kənan tədbir iştirakçılarına təqdim olunub.

Çıxış edənlər Müzəffər Ali Baş Komandan İlham Əliyevin rəhbərliyi ilə 44 günlük Vətən müharibəsində qazanılan şanlı Qələbədən, Ordumuzun qüdrətindən, şəhidlərimizin qəhrəmanlıqlarından danışıblar.

Polad Həşimov adına Sumqayıt şəhər 28 saylı orta məktəbin şagirdi Əli Əhmədov, Mədəniyyət və İncəsənət Universitetinin tələbəsi Əli Hüseynov, qazi övladı Dəniz Abdullazadə vətənpərvər ruhlu şeirlər söyləyiblər. Sonra Sumqayıt şəhər 35 saylı orta məktəbin şagirdlərinin hazırladığı kompozisiya nümayiş olunub. Müğənnilərin ifası, eləcə də şəhid Anar Şükürov adına orta məktəbin şagirdləri Ayxan və Rəvan Abdullazadə qardaşlarının ifasında “Xudayar təsnifi” maraqla qarşılanıb.

Sonda sərgiyə baxış keçirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.