DÜNYA


“Taliban” 95 min nəfərdən ibarət təhlükəsizlik qüvvələri yaradır

Bakı, 21 yanvar, AZƏRTAC

Ötən ilin avqustunda Əfqanıstanda hakimiyyəti ələ keçirmiş “Taliban” hərəkatı tərkibinə ümumilikdə 95 min nəfərin daxil olduğu təhlükəsizlik qüvvələri yaradılması prosesini başa çatdırmaq üzrədir.

AZƏRTAC xəbər verir ki, bu barədə Qətərin Al Jazeera telekanalı taliblərin daxili işlər naziri əvəzi Siracuddin Hakkaniyə istinadla məlumat yayıb. Onun sözlərinə görə, Əfqanıstanda törədilən partlayışların arxasında İŞİD silahlıları və əvvəlki hökumətin bir neçə üzvü dayanır. Taliblər İŞİD-ə qarşı həm təhlükəsizlik, həm də ideoloji sahədə mübarizə aparmağa, gənc əfqanların dünyagörüşündə korrektələr etməyə çalışır.

Siracuddin Hakkani hesab edir ki, beynəlxalq ictimaiyyətin indiki hökuməti tanımaqdan imtina etməsi və Əfqanıstanın xarici banklardakı vəsaitlərinin bloklanması “əfqan xalqının kollektiv cəzalandırılması” anlamına gəlir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.