Ukrayna Türkiyənin dörd şəhərinə birbaşa aviareyslər açacaq
Kiyev, 9 oktyabr, AZƏRTAC
Ukrayna Türkiyənin dörd şəhərinə birbaşa aviareyslər açacaq.
AZƏRTAC-ın yerli mətbuata istinadən verdiyi məlumata görə, bu barədə jurnalistlərə açıqlamasında Ukraynanın Türkiyədəki səfiri Andrey Sibiqa məlumat verib.
Səfirin sözlərinə görə, gələn ildən Ukraynadan Türkiyənin İzmir, Bodrum, Bursa, Dalaman şəhərlərinə birbaşa aviauçuşlar həyata keçiriləcək.
O qeyd edib ki, 2016-cı ildə Türkiyəyə 1 milyon 50 min, 2017-ci ildə isə 1 milyon 250 ukraynalı turist gedib. Bu il bu rəqəmin 20-30 faiz artacağı proqnozlaşdırılır. Həftə ərzində iki ölkə arasında 180-dən çox reys həyata keçirilir. Həmçinin digər ölkələrə də birbaşa reyslərin açılması nəzərdə tutulur.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
