Xəzər Universitetində birinci kurs tələbələri ilə tanışlıq görüşü
Bakı, 19 oktyabr, AZƏRTAC
Xəzər Universitetinin Təbiət elmləri və mühəndislik fakültəsində birinci kurs tələbələri ilə tanışlıq görüşü keçirilib.
Universitetdən AZƏRTAC-a bildirilib ki, tədbir ali təhsil müəssisəsi haqqında sənədli filmin nümayişi ilə başlanıb.
Görüşdə rektor İradə Xəlilova, prorektor İsaxan İsaxanlı, dekan əvəzi Fəxrəndə Əlimərdanova, ictimai əlaqələr və media üzrə direktor Əlövsət Əmirbəyli çıxış ediblər. Tələbələrə universitetin beynəlxalq təşkilatlarla əməkdaşlığı, həmçinin mübadilə proqramı çərçivəsində təhsil almaq imkanları haqqında, tədris proqramları barədə məlumat verilib.
Sonda fakültənin dekan müavini Vəfa Aslanova tələbələrə dərs cədvəlini izah edib, imtahan və nizam-intizam qaydalarını əks etdirən kitabçalar paylayıb.
Bölmənin digər xəbərləri
