“Xidmət iqtisadi fəaliyyət sahəsində qeyri-rəsmi məşğulluğun qarşısının alınması” mövzusunda seminar keçirilib
Bakı, 22 noyabr, AZƏRTAC
Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti Şəki şəhərinin, həmçinin Qəbələ və Oğuz rayonlarının ayrı-ayrı işəgötürənlərinin iştirakı ilə “Xidmət iqtisadi fəaliyyət sahəsində qeyri-rəsmi məşğulluğun qarşısının alınması” mövzusunda seminar keçirib.
Nazirliyin ictimaiyyətlə əlaqələr şöbəsindən AZƏRTAC-a verilən xəbərə görə, tədbirdə qeyri-rəsmi məşğulluğun işçilərin cari və gələcək sosial təminat hüquqlarının yaranmasına, vergi və sosial sığorta daxilolmalarına maneə yaratdığı qeyd olunub. Həmçinin əmək münasibətləri rəsmiləşdirilmədən işləyən şəxslərin təhlükəsiz əmək şəraitində çalışmaq, minimum əmək haqqından aşağı olmayan əməkhaqqı almaq, Əmək Məcəlləsində müəyyən olunmuş istirahət günlərindən və məzuniyyətlərdən istifadə etmək və s. kimi hüquqlardan məhrum olduqları diqqətə çatdırılıb.
Bölmənin digər xəbərləri
