ELM VƏ TƏHSİL


Zoologiya İnstitutu ilə birgə beynəlxalq laboratoriya yaradılacaq

Bakı, 20 iyun, AZƏRTAC 

Azərbaycan Milli Elmlər Akademiyasının Zoologiya İnstitutunun direktoru, fizika üzrə fəlsəfə doktoru Elman Yusifov Rusiya Elmlər Akademiyası Bitki və Heyvanların Ekologiyası İnstitutunda ezamiyyətdə olub.

Zoologiya İnstitutundan AZƏRTAC-a bildirilib ki, ezamiyyət zamanı beynəlxalq laboratoriyanın yaradılması müzakirə edilib. Yeni yaradılacaq laboratoriyada Ural və Azərbaycanın bioloji müxtəlifliyinin birgə müqayisəli analizi aparılacaq. Suda-quruda yaşayanların genetik dəyişikliyi öyrəniləcək, onların statusu müəyyənləşdiriləcək. Köçəri quşların miqrasiya yolları, eyni zamanda heyvanların ekologiyasının tarixi və populyasiyalarının analizi işləri və digər sahələrdə tədqiqatlar aparılacaq.

Ezamiyyət zamanı bəzi gənc alimlər üçün elmi rəhbərlər və yeni elmi istiqamətlər də müəyyənləşdirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.