® “Azərikard”ın Məlumat Mərkəzi və “Çatbot” xidmətində müvəqqəti fasilə yaranacaq
22 oktyabrdan 23 oktyabra keçən gecə, saat 02:00 - 05:00 saatlarında fövqəladə hallar planlarının yoxlanılması ilə əlaqədar “Azərikard Prosessinq Mərkəzi”ndə texniki sınaqlar nəzərdə tutulub.
Mərkəzdən verilən məlumata görə, proseslərin təkmilləşdirilməsi və xidmət səviyyəsinin daim yüksək saxlanılması məqsədilə keçirilən planlı işlər zamanı əsas kanallar üzrə servislərin fəaliyyətində dayanmalar, fasilələr gözlənilmir.
Bununla belə, texniki işlərlə əlaqədar Məlumat Mərkəzi və “Çatbot” xidməti müvəqqəti olaraq fəaliyyət göstərməyəcək. Bu müddət ərzində alternativ kommunikasiya kanalları (feysbuk, instaqram) vasitəsilə “Azərikard” Prosessinq Mərkəzi ilə əlaqə saxlamaq olar.
“Azərikard” fəaliyyəti ilə bağlı ən son yeniliklərlə operativ məlumat almaq üçün mərkəzin rəsmi veb-saytını və sosial şəbəkələrdəki səhifələrini izləməyi tövsiyə edir.
Bölmənin digər xəbərləri
