® “Rabitəbank” və “Maxi.az” cəbhəyanı bölgələrə dəstək üçün güclərini birləşdirib
Vətən müharibəsi dövründə düşmənin qəddarlığından ən çox zərər çəkənlər arasında Bərdə, Tərtər, Gəncə, Şəmkir, Tovuz kimi cəbhəyanı bölgələrdə yaşayan sakinlər oldu. Bu səbəbdən Azərbaycanın aparıcı banklarından biri “Rabitəbank” və ölkənin ən böyük pərakəndə şəbəkələrindən biri “Maxi.az” şirkəti cəbhəyanı bölgələrə dəstək məqsədilə birgə əməkdaşlıq layihəsi həyata keçirir. Layihə çərçivəsində cəbhəyanı bölgələrdə yaşayan və rəsmi iş yeri olan vətəndaşlar üçün “Rabitəbank” nağd pul kreditinin şərtləri sadələşdirib. Belə ki, illik 18 faiz ilə nağd pul krediti əldə etmək istəyən sakinlər heç bir komissiya və sığorta haqqı ödəməyəcəklər. Kreditin maksimal müddəti 36 ay təşkil edir. Kampaniyadan faydalanan vətəndaşlara, həmçinin kreditin ödənilməsi üçün 3 ay güzəşt müddəti də verilir. Xüsusi güzəştli nağd pul krediti yalnız “Maxi.az”ın cəbhəyanı filiallarında alış-veriş etmək üçün ayrılır.
Kampaniyaya müraciət etmək istəyən cəbhəyanı bölgə sakinləri “Rabitəbank”ın “Ağcabədi”, “Şəmkir” və “Gəncə” filiallarına yaxınlaşa bilərlər. Kampaniya haqqında daha ətraflı məlumatı bankın 133 Çağrı mərkəzi ilə əlaqə saxlayaraq əldə etmək mümkündür.
"Rabitəbank" ASC Azərbaycanın 16 regionu və Bakı şəhərində 27 xidmət məntəqəsi və 73 ATM-i, "Rabitabank Mobile" tətbiqi, İnternet Bankçılıq platforması və "RabitaBot" çatbotu, 133 nömrəli Çağrı mərkəzi ilə müştərilərin xidmətindədir.
Bölmənin digər xəbərləri
