Azərbaycan Dövlət İnformasiya Agentliyi

İDMAN

ABBAS AĞALAROVUN XATİRƏSİNƏ HƏSR OLUNMUŞ BEYNƏLXALQ BOKS TURNİRİ BAŞA ÇATMIŞDIR

17.12.2005 [19:56]
Çap et
A⁺ A^-

AZƏRTAC xəbər verir ki, dekabrın 17-də Bakı Olimpiya İdman Kompleksində 1987-89-cu il təvəllüdlü gənclər arasında əməkdar idman ustası Abbas Ağalarovun xatirəsinə həsr olunmuş beynəlxalq boks turnirinə yekun vurulmuşdur.

Turnirdə Azərbaycan boksçuları ilə yanaşı, Gürcüstan, Rusiya və İsraildən olan 68 boksçu mübarizə aparmışdır. Ölkəmiz yarışda Şamil Əlimcanovun rəhbərlik etdiyi üç komanda ilə təmsil olunurdu.

Yarışın nəticələrinə görə Elşən Əhmədov (48 kq), Şəhriyar Tağıyev (51 kq), Namiq Hüseynov (54 kq), Famil Süleymanov (57 kq), Natiq Cəbrayılov (60 kq), Şahin Əyyubov (64 kq), Georgi Nakani (69 kq, Gürcüstan), Hafiz İsgəndərov (75 kq), Teymur Əsgərov (81 kq) və Rüstəm Şamilov (91 kq) fəxri kürsünün ən yüksək pilləsinə qalxmışlar.