ABŞ Ali Məhkəməsi Trampın xarici yardımı dondurmaq tələbini rədd edib
Vaşinqton, 5 mart, AZƏRTAC
ABŞ Ali Məhkəməsi Tramp administrasiyasının Konqres tərəfindən təsdiqlənmiş milyardlarla dollarlıq xarici yardımı dondurmaq tələbini rədd edib.
AZƏRTAC-ın məlumatına görə, qərara əsasən Tramp administrasiyası məhkəmənin qərarına əməl etməli və tamamlanmış işlər üçün qeyri-kommersiya yardım qruplarını təxminən 2 milyard dollar xarici yardımla təmin etməlidir.
Məhkəmə maliyyənin vaxtını açıqlamayıb, bu isə Ağ evə məsələni aşağı məhkəmələrdə mübahisələndirməyə imkan verəcək. Qərar 5 səs lehinə, 4 səs əleyhinə olmaqla qəbul edilib.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
