ABŞ-dakı prezident seçkiləri ərəfəsində neft qiymətləri kəskin bahalaşır
Bakı, 3 noyabr, AZƏRTAC
Birjalarda neft qiymətləri kəskin bahalaşıb.
AZƏRTAC xəbər verir ki, ABŞ-dakı prezident seçkilərindən əvvəl dolların zəifləməsi, eləcə də “OPEC+”un hasilat məhdudiyyətlərini artırmaqla bağlı planını təxirə saldığına dair bazar gözləntiləri fonunda “qara qızıl”ın qiymətlərində son 3 həftənin ən böyük artımı qeydə alınıb. Belə ki, Nyu-York birjasında fyuçers müqavilələri 2,9 faiz artıb.
“Brent” markalı neftin bir barrelinin qiyməti Londonun ICE birjasında 2 dollaradək artaraq hazırda 40,15 dollara, “Light” neftinin bir barreli isə Nyu-Yorkun NYMEX birjasında təxminən 2 dollar bahalaşaraq 38 dollara alıcı axtarır.
Bölmənin digər xəbərləri
