ABŞ-ın yenidən UNESCO-ya qayıtması ilə əlaqədar qurumun fövqəladə sessiyası keçiriləcək
Paris, 20 iyun, AZƏRTAC
ABŞ-ın yenidən UNESCO-ya qayıtması ilə əlaqədar qurumun Baş Konfransının növbədənkənar sessiyası keçiriləcək.
AZƏRTAC xəbər verir ki, UNESCO-nun üzv dövlətləri Amerika Birləşmiş Ştatlarının təşkilata qayıtması şərtlərini müzakirə etmək üçün iyunun 29-30-da bir araya gələcəklər.
Qeyd edək ki, iyunun 12-də UNESCO-nun Baş direktoru Odri Azule təşkilatın 193 üzv dövlətinin nümayəndələrini bir araya gətirərək, onlara konkret maliyyə əsasında ABŞ-ın 2023-cü ilin iyul ayından etibarən təşkilata yenidən qoşulmaq istəyi barədə məlumat verib.
Təşkilatın 193 üzv dövlətini birləşdirən idarəetmə orqanı olan UNESCO-nun Baş Konfransının fövqəladə sessiyası Baş direktor tərəfindən üzv dövlətlərin üçdəbirindən çoxunun müraciəti əsasında və qaydalara uyğun olaraq çağırılan prosesdir. Bu fövqəladə sessiya zamanı üzv dövlətlər ABŞ-ın təklifinə səs verəcəklər.
Şəhla Ağalarova
AZƏRTAC-ın xüsusi müxbiri
Paris
Bölmənin digər xəbərləri
