ABŞ qoşunlarının Avropadan çıxarılmasının ehtimal olunan nəticələri açıqlanıb
Bakı, 25 aprel, AZƏRTAC
Avropada ABŞ qoşunlarının ixtisarından ilk olaraq Polşa və Baltikyanı ölkələr zərər çəkəcək.
AZƏRTAC xəbər verir ki, “Politico” nəşrinin məlumatına görə, bunu “Xarici Əlaqələr Şurası” təşkilatında ABŞ-ın xarici siyasəti və Avropa məsələləri üzrə elmi işçisi Ben Harris deyib.
“Avropada ABŞ qoşunlarının sayının azaldılması, çox güman ki, NATO-nun “Genişləndirilmiş ön mövcudluq” proqramı çərçivəsində 2022-ci ilin fevralından bəri yerləşdirilən bölmələrlə başlayacaq”, - deyə Ben Harris bildirib. Onun sözlərinə görə, ABŞ-ın hərəkətləri son nəticədə bütövlükdə Avropanın təhlükəsizliyinin zəifləməsinə gətirib çıxara bilər.
Bir müddət öncə, ABŞ ordusunun Avropa və Afrika Komandanlığı vəziyyətin optimallaşdırılması üçün qoşunlarının Ukraynanı silahla təmin edən Polşanın Jeşuv şəhərindəki silah qovşağından çıxarılacağı barədə məlumat yayıb. Bundan əlavə, Pentaqonda Şərqi Avropadan 10 min hərbçinin çıxarılması imkanlarının nəzərdən keçirildiyi məlum olub.
Bölmənin digər xəbərləri
