ABŞ SƏYAHƏTÇİSİ DÜNYA REKORDU VURMAQ NİYYƏTİNDƏDİR

07.02.2006 [16:08]
Çap et
A⁺ A^-

AZƏRTAC xarici KİV-lərə istinadla xəbər verir ki, tanınmış səyahətçi Stiv Fosset hava səyahətinə çıxmağa hazırlaşır. ABŞ milyonçusu “Qlobal Flayer” təyyarəsində Florida ştatındakı Kanaveral burnundan təyyarə ilə Yer ətrafında iki dəfə dövrə vurmaq, Atlantik okeanını keçmək və London yaxınlığında yerə enmək niyyətindədir.

Aviator 80 gün ərzində 41 min kilometrdən çox məsafəni qət etməklə dünya rekordunu təzələməyi planlaşdırır. Əvvəlki dünya rekordu Dik Rutan və Cienna Yegerə məxsusdur. Onlar 1986-cı ildə 40,2 min kilometr məsafəni birbaşa qət etmişlər.

61 yaşlı Fosset artıq bir neçə dünya rekordunun müəllifidir. O, ötən il “Qlobal Flayer”də 37 min kilometr məsafəni 67 saata qət edərək, Yer ətrafında fırlanmışdır. Nəticədə Fosset birmühərrikli təyyarədə yerə enmədən Yer ətrafında təkbaşına fasiləsiz dövrə vurmuş ilk adam olmuşdur. 2002-ci ildə isə Fosset Yer ətrafında hava şarında ilk dəfə dövrə vurmuşdur.

ABŞ SƏYAHƏTÇİSİ DÜNYA REKORDU VURMAQ NİYYƏTİNDƏDİR

MÜƏLLİFLƏ ƏLAQƏ

Bölmənin digər xəbərləri