“ABU” 1/8 FİNALA VƏSİQƏ QAZANMIŞDIR
AZƏRTAC xəbər verir ki, qadın həndbol komandaları arasında “Challenge Cup” (Çağırış kuboku) turnirinin üçüncü mərhələsi çərçivəsində respublikamızın “ABU” komandası İtaliyada ölkə çempionatına liderlik edən “RİAM Ascensori” klubu ilə cavab görüşü keçirmişdir. İlk hissə 19:19 hesabı ilə başa çatsa da, gərgin idman mübarizəsi şəraitində keçən görüşün ikinci hissəsində “RİAM Ascensori” 36:33 hesabı ilə qalib gəlmişdir. Üç xal fərqi ilə uduzmasına baxmayaraq, “ABU” iki oyunun nəticəsinə görə turnirin 1/8 finalına vəsiqə qazanmışdır.
Xatırladaq ki, Bakıdakı ilk qarşılaşmada Rəfiqə Şabanovanın yetirmələri 36:26 hesabı ilə qələbə qazanmışdılar.
Bölmənin digər xəbərləri
