ADNSU-ya qəbul olunmuş 10 əcnəbi tələbə ilə onlayn görüş keçirilib
Bakı, 4 sentyabr, AZƏRTAC
2025-2026-cı tədris ili üzrə dövlət xətti ilə Azərbaycan Dövlət Neft və Sənaye Universitetinə (ADNSU) qəbul olunmuş Somalidən olan 10 əcnəbi tələbə ilə onlayn görüş təşkil edilib.
Bu barədə AZƏRTAC-a universitetdən məlumat verilib.
Görüşdə ADNSU-nun Beynəlxalq əlaqələr departamentinin direktoru Nəzrin Şirinova, Əcnəbi Tələbələr Şöbəsinin müdiri Səbinə Əliyeva və şöbənin baş mütəxəssisi Nigar Babayeva iştirak ediblər.
Somalidən olan tələbələrə ADNSU-nun akademik mühiti, tədris prosesi, daxili qaydaları və ümumi təhsil sistemi barədə ətraflı məlumat verilib. Bununla yanaşı, onların Azərbaycana gəlişi, qarşılanması və yerləşdirilməsi prosesi, eləcə də tədris ili ərzində gözlənilən əsas akademik və sosial fəaliyyətlər haqqında ətraflı məlumat təqdim olunub, tələbələrin sualları cavablandırılıb.
Bölmənin digər xəbərləri
