ADPU Karamanoğlu Mehmetbey Universiteti ilə memorandum imzalayıb
Bakı, 5 sentyabr, AZƏRTAC
Sentyabrın 5-də Azərbaycan Dövlət Pedaqoji Universitetində (ADPU) Türkiyənin Karamanoğlu Mehmetbey Universitetinin nümayəndə heyəti ilə görüş keçirilib.
Görüşdə ADPU-nun rektoru professor Cəfər Cəfərov, Karamanoğlu Mehmetbey Universitetinin rektoru professor Mehmet Gavgalı və başqaları iştirak ediblər.
ADPU-dan AZƏRTAC-a bildirilib ki, görüşün əsas məqsədi tanışlıq, mümkün əməkdaşlıq əlaqələrinin müzakirəsi və bu çərçivədə protokolun imzalanması olub. Görüş əsnasında tərəflər təmsil etdikləri ali təhsil müəssisələri haqqında ətraflı məlumat verərək əməkdaşlıq imkanlarını müzakirə ediblər.
Sonda rektorlar universitetlər arasında qarşılıqlı əməkdaşlığa dair memorandum və “ERASMUS+ KA1” çərçivəsində müqavilə imzalayıblar.
Bölmənin digər xəbərləri
