AFFA-nın stadionların saxlanılmasına və bərpasına ayırdığı vəsait bəlli olub
Bakı, 3 aprel, AZƏRTAC
AFFA-nın balansında olan stadionların, milli komandaların məşq mərkəzinin və digər idman obyektlərinin saxlanılmasına, həmçinin yenidən bərpasına ayrılan maliyyə vəsaiti açıqlanıb.
AZƏRTAC xəbər verir ki, 2025-ci ildə bu istiqamət üzrə ümumilikdə 4 milyon 254 min 477 manat sərf olunub.
Ən böyük vəsait “Dalğa Arena” stadionu üçün ayrılıb. Belə ki, bu arenanın saxlanılması və bərpası üçün 1 milyon 738 min 10 manat xərclənib. Siyahıda sonrakı yerləri Ağsu stadionu (833 min 788 manat) və Binə stadionu (791 min 181 manat) tutur.
Bayıl stadionunun saxlanılmasına 328 min 477 manat, milli komandaların məşq mərkəzinin fəaliyyətinə isə 303 min 42 manat vəsait yönəldilib. Bundan başqa, Şamaxı stadionunun ehtiyacları üçün 213 min 379 manat, futbolçu və mütəxəssislərin hazırlığı üçün nəzərdə tutulan Təhsil və reabilitasiya mərkəzinin saxlanılması məqsədilə isə 46 min 600 manat məbləğində maliyyə dəstəyi ayrılıb.
Bölmənin digər xəbərləri
