AFFA “Sumqayıt”ın baş məşqçisinin cəzasını yüngülləşdirib
Bakı, 25 noyabr, AZƏRTAC
AFFA-nın Apellyasiya Arbitraj Tribunalı “Sumqayıt” klubunun apellyasiya şikayətinə baxıb.
AZƏRTAC xəbər verir ki, bu barədə qurumun saytı məlumat yayıb. Qərara əsasən, AFFA İntizam Komitəsinin “Sumqayıt”ın baş məşqçisi Samir Abasov barəsində verdiyi qərar dəyişdirilib.
Baş məşqçiyə verilən 5 oyunluq kənarlaşdırma cəzası cəzanın 3 oyunu şərti tətbiq edilməklə 5 oyunluq kənarlaşdırma cəzası ilə əvəz edilib. Sınaq müddəti qərarın qəbul edildiyi tarixdən etibarən 3 ay müddətinə təyin edilib. Baş məşqçi sınaq müddəti ərzində yenidən İntizam Məcəlləsi ilə müəyyən olunan hər hansı bir pozuntuya yol verdiyi halda həmin pozuntuya görə cəza təyin olunarkən 3 oyunluq kənarlaşdırma cəzası da tətbiq ediləcək.
“Sumqayıt” barəsində verilən 4 min manat məbləğində cərimə cəzası isə qüvvədə qalıb.
Bölmənin digər xəbərləri
