Avropa ölkələrində səfərdə olan İran İslam Respublikasının xarici işlər naziri Kamal Xərrazi Berlində AFR-in xarici siyasət idarəsinin başçısı Yoşka Fişerlə görüşmüşdür.

AZƏRTAC-ın xüsusi müxbiri xəbər verir ki, görüşdən sonra danışıqların mövzusu barədə məlumat vermək məqsədi ilə KİV nümayəndələri qarşısında görünən hər iki siyasətçinin mətbuat xidməti rəhbərləri bildirmişlər ki, İranın atom proqramı və regionda siyasi vəziyyət danışıq və məsləhətləşmələrin əsas mövzusu olmuşdur.