Ağ ev Konqresdən Pentaqona 850 milyard dollara yaxın vəsaitin ayrılmasını istəyib
Bakı, 12 mart, AZƏRTAC
ABŞ Prezidenti Co Baydenin administrasiyası Konqresdən 2025-ci maliyyə ilində Pentaqonun büdcəsinə 849,8 milyard dollar ayırmağı xahiş edib.
AZƏRTAC xəbər verir ki, bu barədə “Breaking Defence” nəşri məlumat yayıb.
Nəşrin məlumatına görə, cari maliyyə ili ilə müqayisədə hərbi idarənin büdcəsi 10 milyard dollar azalacaq.
Pentaqonun sorğusuna silahların tədarükü üçün 167,5 milyard dollar, tədqiqat və inkişaf üçün 143,2 milyard dollar, əməliyyatlar və dəstək üçün 339,6 milyard dollar, hərbi personal üçün 181 milyard dollar, tikinti üçün 17,5 milyard dollar və digər proqramlar üçün 45,5 milyard dollar ayrılıb.
Ümumilikdə, ABŞ Hərbi Hava Qüvvələrinin ehtiyaclarına təxminən 262,6 milyard dollar, Hərbi Dəniz Qüvvələrinə 257,6 milyard dollar, Orduya 185,5 milyard dollar, Pentaqonun müxtəlif departamentlərini dəstəkləmək üçün təxminən 143,7 milyard dollar ayrılacağı gözlənilir.
Bölmənin digər xəbərləri
