Ağcabədidə “Onlar üçün məhdudiyyət yoxdur” adlı tədbir keçirilmişdir
Ağcabədi, 2 noyabr (AZƏRTAC). Ağcabədi şəhər 3 nömrəli məktəb-liseydə Gənclər üçün Təhsil Mərkəzi Qarabağ regional ofisinin və Yeni Azərbaycan Partiyası rayon təşkilatı qadınlar şurasının təşkilatçılığı ilə “Onlar üçün məhdudiyyət yoxdur” adlı tədbir keçirilmişdir.
AZƏRTAC xəbər verir ki, “Gülsam” Əlillərin Reabilitasiyası İctimai Birliyinin, Respublika Gözdən Əlillər Cəmiyyətinin, Gözdən Əlillər Kitabxanasının, Beyləqan rayon “Günərzi Qayğı Mərkəzi” nümayəndələrinin, təhsil işçilərinin də iştirak etdiyi tədbirdə çıxış edənlər ölkəmizdə əlillərə göstərilən xüsusi diqqət və qayğıdan, bu istiqamətdə aparılan humanist siyasətdən danışmışlar. Əlillərin mədəni həyatda iştirakı, onların asudə vaxtlarının səmərəli təşkili, əlilliyi olan istedadlı gənclərin bacarıqlarının reallaşdırılması üçün bu qəbildən olan insanlara daim dəstək olmağın vacibliyi diqqətə çatdırılmışdır.
Tədbirin sonunda qonaqlara Gənclər üçün Təhsil Mərkəzi tərəfindən “Əlillərin sosial müdafiəsi və cəmiyyətə adaptasiyası” istiqamətində əməkdaşlıqlarına görə diplomlar təqdim edilmişdir.
Bölmənin digər xəbərləri
