Ağdam şəhərində Novruz yarmarkası açılıb
Ağdam, 17 mart, AZƏRTAC
Ağdam şəhər sakinləri uzun illərdən sonra baharın gəlişini ilk dəfə doğma yurdlarında qarşılayırlar. Novruz münasibətilə Ağdam şəhərində bayram yarmarkası təşkil edilib.
AZƏRTAC-ın bölgə müxbiri xəbər verir ki, Ağdam, Füzuli və Xocavənd rayonlarında Azərbaycan Respublikası Prezidentinin xüsusi nümayəndəliyinin və Bərpa, Tikinti və İdarəetmə Xidmətinin təşkilatçılığı, Qarabağ Dirçəliş Fondunun dəstəyi ilə keçirilən yarmarkada Qarabağ kətəsi, şirniyyatlar, sakinlərin əl işləri təqdim olunub. 32 ildən sonra doğma yurda qayıtmış Ağdam sakinləri yarmarkada böyük qürur və sevinclə iştirak ediblər.
Bayram yarmarkası martın 21-dək davam edəcək.
Müxbir – Tahir Ağaməmmədov
Bölmənin digər xəbərləri
