Ağdərəyə köçən sakin: Həsrətində olduğum torpaqlara qayıdıram
Tərtər, 3 mart, Tahir Ağaməmmədov, AZƏRTAC
Hər dəfə televizorda keçmiş məcburi köçkünlərin doğma yurda qayıdışını izləyəndə həm sevinir, həm də səbirsizlənirdim. Nəhayət, mən də həsrətində olduğum torpaqlara qayıdıram.
Bu sözləri Tərtərdə AZƏRTAC-ın bölgə müxbirinə açıqlamasında Ağdərənin Həsənriz kəndinə köç edən keçmiş məcburi köçkün Zeynəb Məmmədova deyib.
“Köçkünlük də, həsrət də sona çatır. Artıq 32 il bizsiz qalmış torpaqlarda yaşamaq, yaratmaq dövrüdür. Xoşbəxtəm ki, bu günləri görmək nəsibim oldu”, - deyə o bildirib.
Qeyd edək ki, Prezident İlham Əliyevin tapşırığına uyğun olaraq, işğaldan azad edilmiş ərazilərə Böyük Qayıdışa dair I Dövlət Proqramına əsasən, bu gün Ağdərənin Həsənriz kəndinə ilk köç karvanı yola salınıb. Bu mərhələdə Həsənriz kəndinə 25 ailə - 91 nəfər köçürülür.
Bölmənin digər xəbərləri
