Aİ-nin çirkli pulların yuyulması ilə mübarizə bürosu Frankfurtda yerləşəcək
Bakı, 23 fevral, AZƏRTAC
Avropa İttifaqının çirkli pulların yuyulması ilə mübarizə bürosunun mənzil-qərargahı Almaniyanın Frankfurt-Mayn şəhərində yerləşəcək.
AZƏRTAC “Welt“ qəzetinə istinadla xəbər verir ki, müvafiq qərar Avropa İttifaqına üzv 27 ölkə ilə Avropa Parlamenti tərəfindən qəbul edilib. Yeni orqanın mənzil qərargahına ev sahibliyi etmək uğrunda Frankfurtla yanaşı, Roma, Vyana, Vilnüs, Riqa, Dublin, Madrid, Brüssel və Paris şəhərləri də mübarizə aparırdı.
Avropa Komissiyasının vitse-prezidenti Valdis Dombrovskis yeni qurumun çirkli pullarla mübarizəni kökündən dəyişəcəyini bildirib.
Bölmənin digər xəbərləri
