Aİ səfiri: Azərbaycan və Qazaxıstan Orta Dəhlizin həyata keçirilməsində mühüm tərəfdaşlardır
Astana, 3 iyun, AZƏRTAC
“Asiya ilə Avropanı birləşdirən Trans-Xəzər Beynəlxalq Nəqliyyat Marşrutu (TBNM) Avropa İttifaqının sərmayə qoyduğu ən mühüm layihələrdən biridir”.
Bu barədə AZƏRTAC -a Avropa İttifaqının Qazaxıstandakı səfiri Aleşka Simkiç bildirib.
Onun sözlərinə görə, Qazaxıstan və Azərbaycan bu təşəbbüsün həyata keçirilməsində mühüm tərəfdaşlardır, çünki marşrut bu iki ölkədən keçir.
“Biz əlaqələri gücləndirməliyik - Xəzər dənizində dəmir yollarını, avtomobil yollarını və gəmiçiliyi yaxşılaşdırmalıyıq. Eyni zamanda, ekoloji aspektləri nəzərə almaq son dərəcə vacibdir”, - deyə səfir qeyd edib.
Aleşka Simkiç vurğulayıb ki, bütün Xəzəryanı ölkələr nəqliyyatın inkişafının ətraf mühitin mühafizəsi ilə vəhdətdə olmasını təmin etməlidir.
Orta Dəhliz kimi də tanınan Trans-Xəzər Beynəlxalq Nəqliyyat Marşrutu Qazaxıstan, Xəzər dənizi, Azərbaycan, Gürcüstan və Türkiyə vasitəsilə Çin və Avropa ölkələrini birləşdirir.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
