Akademik borcunu ləğv edə bilməyən tələbə növbəti semestrdə təqaüd almayacaq
Bakı, 20 may, AZƏRTAC
Cari semestrdə akademik borcu qalan və növbəti semestr başlayanadək akademik borcunu ləğv edə bilməyən tələbə növbəti semestrdə təqaüddən məhrum ediləcək.
AZƏRTAC xəbər verir ki, bu, Nazirlər Kabinetinin “Koronavirus (COVID-19) pandemiyasının ölkənin təhsil müəssisələrində təhsil prosesinə mənfi təsirinin aradan qaldırılması ilə bağlı bəzi tədbirlər barədə” qərarında qeyd olunub.
Əgər həmin tələbə növbəti semestrdə götürdüyü bütün fənlərdən kreditləri qazanarsa (ÜOMG nəzərə alınmaqla, fənlər üzrə akademik nailiyyətlərinə görə), o yenidən mövcud qanunvericiliyə əsasən təqaüd almaq hüququna malik olacaq.
Qərar xüsusi təyinatlı ali təhsil müəssisələrinin tələbələrinə şamil edilmir.
Bölmənin digər xəbərləri
