Akademik Kamal Abdulla: Azərbaycan qlobal məkana inteqrasiyada möhkəm təmələ söykənir
Bakı, 5 may, AZƏRTAC
Bu gün Azərbaycan dünyaya açıq olan dövlətdir və bu prosesdə Ulu Öndərin misilsiz rolu var. Müasir dövrdə biz Azərbaycanın qlobal məkana inteqrasiyasında məhz onun qoyduğu möhkəm təməlin bəhrələrini aydın şəkildə görürük və bu siyasətin davamlı inkişaf strategiyası ölkənin beynəlxalq nüfuzunu daha da gücləndirir. Bu bəhrələrdən biri də Azərbaycan Dillər Universitetidir.
AZƏRTAC xəbər verir ki, bu fikirləri Azərbaycan Dillər Universitetinin rektoru akademik Kamal Abdulla “Heydər Əliyev: multikulturalizm və tolerantlıq ideologiyası” IX beynəlxalq elmi konfransında deyib. O bildirib ki, konfransda Ulu Öndərin strateji baxışı, fəaliyyət istiqamətləri, həmçinin ideoloji irsinin müasir dövr üçün aktuallığı geniş şəkildə təhlil olunur. Rektor qeyd edib ki, bu konfrans bizi Ulu Öndərin ideyalarına daha da yaxınlaşdırır və həmin ideyaların gələcək nəsillərə ötürülməsində mühüm rol oynayır.
Bölmənin digər xəbərləri
