Aleksander Çeferin: Super Liqada iştirak edəcək futbolçular dünya və Avropa çempionatlarında oynamayacaqlar
Bakı, 19 aprel, AZƏRTAC
UEFA Super Liqada iştirak edən klublarının oyunçularına Avropa və dünya çempionatlarında milli komandalarda oynamasına icazə verməyəcək.
AZƏRTAC xəbər verir ki, bunu İtaliyanın “Sky Sport” telekanalının efirində UEFA prezidenti Aleksander Çeferin açıqlayıb.
O qeyd edib ki, Super Liqada iştirak edəcək oyunçular dünya və Avropa çempionatlarında oynamayacaqlar. Eyni zamanda, bu futbolçular milli komandaları təmsil edə bilməyəcəklər.
Qeyd edək ki, bu gün Avropanın on iki futbol klubu Super Liqanın yaradıldığını bəyan edib. Bu qərar UEFA-nın etirazına səbəb olub.
Bölmənin digər xəbərləri
