“Ali Audit Qurumlarında keyfiyyətin idarəedilməsi” layihəsinin açılışı olub
Bakı, 19 iyun, AZƏRTAC
Azərbaycan Respublikası Hesablama Palatasının sədri Vüqar Gülməmmədovun rəhbərlik etdiyi nümayəndə heyəti Ali Audit Qurumlarının Beynəlxalq Təşkilatının İnkişaf Təşəbbüsünün (INTOSAI IDI) “Ali Audit Qurumlarında keyfiyyətin idarəedilməsi” layihəsinin açılış tədbirində iştirak edib.
Palatadan AZƏRTAC-a bildirilib ki, onlayn formatda baş tutan tədbirdə ali audit qurumlarının rəhbərlərinin qurumlar üçün keyfiyyətin idarəedilməsi mexanizmlərinin əhəmiyyəti, bu sahədə təcrübə mübadiləsinə dair çıxışları dinlənilib. Tədbirdə Pakistan, Albaniya, Kipr, Maldiv, Bosniya və Herseqovina və digər ölkələrin ali audit qurumlarının rəhbərləri, həmçinin Asiya İnkişaf Bankının, Böyük Britaniya ali audit qurumunun ekspertləri də iştirak ediblər.
Yeni inkişaf çərçivəsi seçilmiş ali audit qurumlarında yenilənən İSSAİ-140 “Ali Audit Qurumlarında keyfiyyətin idarəedilməsi standartı”nın tətbiqinə metodiki dəstəyin verilməsini, o cümlədən Keyfiyyətin idarəedilməsi Beynəlxalq Standartının (İSQM 1) tətbiqinin təmin edilməsini nəzərdə tutur.
Bölmənin digər xəbərləri
