Ali məktəblərə plan yerləri ən çox ikinci ixtisas qrupunda dolub
Bakı, 31 avqust, AZƏRTAC
Ali təhsil müəssisələrinə plan yerləri ən çox ikinci ixtisas qrupunda (98.35 faiz) dolub.
Dövlət İmtahan Mərkəzindən AZƏRTAC-a bildirilib ki, ikinci ixtisas qrupunda plan yerlərinin sayı imtahan verən və müsabiqədə iştirak etmək hüququ olan abituriyentlərin sayından çox olsa da, əvvəlcədən proqnoz edildiyi kimi, subbakalavrların şansı var idi və onların hesabına dolma göstəriciləri yüksəkdir. Ən çox subbakalavr (2985 nəfər) da məhz II qrup üzrə ixtisaslara qəbul olunub. I qrup üzrə də subbakalavrların imkanları var idi və 2731 nəfər qəbul olunub. III, IV və V ixtisas qruplarında plan yerləri müvafiq olaraq 93.74 faiz, 94.36 faiz və 91.19 faiz dolub.
Bölmənin digər xəbərləri
