ALİ MƏKTƏBLƏRƏ QƏBUL PROQRAMLARI VƏ QƏBUL QAYDALARI ÇAPDAN ÇIXMIŞDIR
TQDK-dan AZƏRTAC-a bildirmişlər ki, jurnalın bu nömrəsində 2004/2005-ci tədris ili üçün ali məktəblərə bütün fənlər üzrə qəbul proqramları və qəbul qaydaları dərc olunmuşdur.
Qəbul proqramları Dövlət Komissiyasında fəaliyyət göstərən fənlər üzrə elmi-metodiki seminarlarda ümumtəhsil məktəblərinin fənn proqramları və dərslikləri əsasında tərtib edilmişdir.
Jurnalda 2004/2005-ci tədris ili üçün Azərbaycan Respublikası Daxili İşlər Nazirliyinin Polis Akademiyasına, Müdafiə Nazirliyinin ali hərbi məktəblərinə, C.Naxçıvanski adına Hərbi Litseyə və Azərbaycan Tibb Universitetinin Orta Hərbi Tibb Məktəbinə kursant qəbulu qaydaları dərc olunmuşdur. Abituriyentlər jurnalda “Psixoloq məsləhətləri”, “Maraq və məntiq”, ”Dünyaya pəncərə”, “Aforizmlər”, ”Soruşun-cavab verək” və ”Beynəlxalq Təhsil sistemləri” rubrikaları ilə də tanış ola bilərlər.
Bölmənin digər xəbərləri
