Alman məhsulları dünya istehlakçıları arasında ən populyarıdır
Bakı, 30 sentyabr, AZƏRTAC
Alman məhsulları bütün dünyada ən populyar məhsullar reytinqinə başçılıq edir.
AZƏRTAC xarici KİV-lərə istinadla xəbər verir ki, bu barədə məlumat “YouGov” Beynəlxalq İctimai Rəyin Tədqiqi İnstitutunun və Kembric Universitetinin (Böyük Britaniya) apardığı rəy sorğusunda yer alıb.
Dünyanın 23 ölkəsindən insanların iştirak etdiyi sorğunun nəticələrinə əsasən, respondentlərin təxminən yarısı Almaniyada istehsal olunan məhsullara müsbət, altı faizi isə mənfi yanaşır.
Populyarlıq reytinqində ikinci yeri İtaliya məhsulları tutur. Fransa və Böyük Britaniya istehsalı olan məhsullar siyahıda üçüncü və dördüncü yerləri bölüşdürür. Yaponiya məhsulları siyahıda beşinci yerdə qərarlaşıb. Kanadada və ABŞ-da istehsal olunan məhsullar altıncı və yeddinci, Niderland məhsulları səkkizinci, Cənubi Koreya məhsulları isə doqquzuncu yerdə gəlir. Tədqiqatların əhatə etdiyi 12 ölkənin siyahısını müvafiq olaraq Meksika, Honkonq və Çin tamamlayır.
Bölmənin digər xəbərləri
