Almaniyada avtomobilin piyada zonasına girməsi nəticəsində iki nəfər ölüb
Bakı, 1 dekabr, AZƏRTAC
Almaniyanın Trir şəhərində avtomobil piyadalar üçün nəzərdə tutulan zonaya girib.
AZƏRTAC SWR telekanalına istinadla xəbər verir ki, insident nəticəsində iki nəfər həlak olub, 15 nəfərə yaxın insan isə müxtəlif dərəcəli xəsarətlər alıb. Yaralananlar arasında vəziyyəti ağır olanlar var.
Polis vətəndaşları hadisə yerindən uzaq durmağa çağırıb. Təhlükəsizlik qüvvələrinin insidentlə bağlı xüsusi əməliyyat keçirdiyi bildirilir.
Hələlik hadisənin təfərrüatları barədə informasiya verilmir. İlkin məlumata görə, avtomobilin sürücüsü saxlanılıb.
Bölmənin digər xəbərləri
