ALMANİYANIN MÜDAFİƏ NAZİRLİYİ NARKOMAFİYA İLƏ MÜBARİZƏDƏ ƏFQANISTANA KÖMƏK GÖSTƏRİLMƏSİNƏ TƏRƏFDARDIR
AZƏRTAC xəbər verir ki, Almaniya hökuməti narkotiklərin qanunsuz dövriyyəsi ilə mübarizədə Əfqanıstanın hakimiyyət orqanlarına yardım proqramı təklif etmişdir. Almaniya Müdafiə Nazirliyinin başçısı Frants Yozef Yunq “Deutschlandfunk” radiostansiyasına müsahibəsində bildirmişdir ki, Əfqanıstandakı alman hərbçiləri narkomafiyaya qarşı mübarizədə bu ölkəyə kömək etməlidirlər. Yunq demişdir: “Məndə belə bir təəssürat yaranır ki, Əfqanıstanda alman əsgərlərə qarşı hücumların müəyyən gizli səbəbləri var”. O bildirmişdir ki, ölkənin narkomafiyası terrorçuları maliyyələşdirir.
Gözlənildiyinə görə, Bundestaq oktyabrın 16-17-də Əfqanıstanda alman hərbi qulluqçularının missiyası müddətinin uzadılması məsələsini və kontingentin 3500 nəfərdən 4500 nəfərədək artırılmasını müzakirə edəcəkdir. Əfqanıstanda alman hərbçilərin funksiyaları Almaniya parlamenti tərəfindən müəyyən edilmişdir və ölkənin müdafiə nazirinin kontingentin üzərinə əlavə vəzifələr, xüsusən, narkotilərin istehsalı və ixracı ilə mübarizə aparmaq vəzifəsi qoymaq səlahiyyəti yoxdur.
Bölmənin digər xəbərləri
