Almatıda karantin tədbirləri gücləndirilib
Nur-Sultan, 15 iyun, AZƏRTAC
Qazaxıstanın Almatı şəhərində yeni növ koronavirus (COVID-19) infeksiyasının artması səbəbindən karantin tədbirləri gücləndirilib.
AZƏRTAC xəbər verir ki, şəhərin ticarət və əyləncə mərkəzləri, iaşə obyektlərinin fəaliyyəti məhdudlaşdırılıb.
Dövlət qurumları, milli şirkətlərin filialları və bank işçilərinin 50 faizi məsafədən çalışacaq. Dövlət xidmət mərkəzlərinin işi onlayn formata keçirilib.
Almatıda bu günədək 3 min 113 nəfər koronavirusa yoluxub, 2 min 56 xəstə sağalıb, 10 nəfər dünyasını dəyişib.
Son məlumata görə, pandemiya dövründə ölkədə 14 min 809 yoluxma faktı qeydə alınıb, 9376 xəstə sağalıb, 77 nəfər vəfat edib.
İlahə Əhmədova
AZƏRTAC-ın xüsusi müxbiri
Nur-Sultan
Bölmənin digər xəbərləri
