Almatıda Ramazan ayında kollektiv namazın qılınması qadağan edilib
Almatı, 13 aprel, AZƏRTAC
Almatıda koronavirus infeksiyanın qarşısını almaq məqsədilə məscidlərdə müqəddəs Ramazan ayında kollektiv namazın qılınması və kütləvi yığıncaqlar qadağan edilib.
AZƏRTAC xəbər verir ki, şəhərin baş imamı Yerkinbek Şokai koronavirus pandemiyası zamanı oruc tutmaq barədə tövsiyələrini verdi. Ramazan ayında xütbə yığıncaqlarının onlayn yayımlanacağını bildirdi.
Ramazan ayında oruc və ibadətlə bağlı bütün suallar mərkəzi məscidin çağırış mərkəzində cavablandırılacaq.
Qeyd edək ki, Qazaxıstanın Akmola bölgəsində, Qərbi-Qazaxıstan vilayətində və Nur- Sultanda da Ramazan ayında kütləvi tədbirlərin keçirilməsi qadağan edilib.
İlahə Əhmədova
AZƏRTAC-ın xüsusi müxbiri
Almatı
Bölmənin digər xəbərləri
