Alp dağlarında itkin düşən altı xizəkçidən beşinin meyiti tapılıb
Bakı, 11 mart, AZƏRTAC
İsveçrədə Alp dağlarında yoxa çıxan altı xizəkçidən beşi həlak olub.
AZƏRTAC xəbər verir ki, bu barədə yerli polis məlumat yayıb.
“Martın 9-dan bəri “Zermatt-Arolla” gəzinti marşrutu ilə fəal şəkildə axtarılan altı nəfərdən beşi martın 10-u ölü tapılıb”, - deyə polisin açıqlamasında bildirilir.
Qeyd olunur ki, yerli vaxtla saat 21:20-də üç xilasedici və bir polisdən ibarət qrup həlak olanların cəsədlərini aşkar edib.
Altıncı xizəkçinin axtarışları davam etdirilir.
Bölmənin digər xəbərləri
