Amerikada UNO tədqiqatlarını idarə edən sayt yaradılıb
Bakı, 4 sentyabr, AZƏRTAC
Amerika hakimiyyət orqanları ictimaiyyətin bu sahədə əldə edilmiş son nailiyyətlərlə bağlı məlumatlandırılması məqsədilə 2022-ci ildə yaradılmış və müxtəlif anomal uçan naməlum obyektlərin (UNO) tədqiqatının idarə olunmasına imkan verən sayt yaradıb. Bu barədə AZƏRTAC xarici KİV-ə istinadla xəbər verir.
“Bu sayta ciddi elmi araşdırmalara və indiyədək mövcud olan məlumatlara əsaslanaraq, uçan naməlum obyektlərlə bağlı ABŞ hakimiyyət orqanlarının səylərinə rəhbərlik edəcək ekspertlər cəlb edilib”, -deyə idarənin rəhbəri Şon Kirkpatrik bildirib.
O qeyd edib ki, idarə artıq məlumatların toplanması, bununla əlaqədar irəli sürülən tələblərin standartlaşdırılması, eləcə də, anomal uçan obyektlərin yarada biləcəyi potensial təhlükələrin azaldılması ilə bağlı bir sıra əhəmiyyətli addımlar atıb.
Hal-hazırda portalda artıq belə obyektlərlə həm ABŞ-da, həm də onun ərazisindən kənarda yaşanan hələ “sirri açılmamış” qarşılaşma hallarının bir neçəsinin videogörüntüsü yerləşdirilib.
Bölmənin digər xəbərləri
