Andre Vilye: Azərbaycanın ərazi bütövlüyünün tezliklə bərpa olunmasını arzulayıram
Paris, 30 may, AZƏRTAC
Bu gün çox sevdiyim Azərbaycanın milli bayramı ilə bağlı tədbirdə iştirak edirəm. Bütün Azərbaycan xalqını, xüsusilə də azərbaycanlı dostlarımı bayram münasibətilə təbrik edirəm. Arzu edirəm ki, Azərbaycanın ərazi bütövlüyü tezliklə bərpa edilsin, ölkənizdə daim sülh olsun. Həmçinin Azərbaycan-Fransa münasibətləri daha da möhkəmlənsin.
Bu fikirləri AZƏRTAC-a müsahibəsində Respublika Günü və diplomatik xidmət orqanlarının 100 illiyi münasibətilə Parisdə təşkil edilmiş qəbulda iştirak edən Fransa Milli Assambleyasının üzvü Andre Vilye bildirib.
Azərbaycanda dəfələrlə səfərdə olduğunu deyən A.Vilye ölkəmizin sürətlə inkişafını xüsusi qeyd edib. O, səfəri zamanı bölgələrimizin də sürətlə inkişaf etdiyinin şahidi olduğunu vurğulayıb.
Şəhla Ağalarova
AZƏRTAC-ın xüsusi müxbiri
Paris
Bölmənin digər xəbərləri
