Antalyada otel yanğını: 2 turist ölüb, 10 nəfər yaralanıb
Bakı, 22 iyul, AZƏRTAC
Türkiyənin əsas turizm məkanlarından biri olan Antalyanın Muratpaşa rayonunda ikimərtəbəli butik otel yanıb.
AZƏRTAC TRT telekanalına istinadla xəbər verir ki, yanğın nəticəsində 2 turist həyatını itirib, 10 nəfər yaralanıb. Əraziyə xilasedicilər, yanğınsöndürənlər, polis, təcili tibbi yardım qrupları yönəldilib.
Yanğında ölənlərin livanlı turistlər olduğu bildirilir. Xəsarət alanlar arasında isə Norveç, Danimarka və Niderlanddan olan turistlər var. Həkimlərin sözlərinə görə, xəstəxanaya yerləşdirilən yaralılardan birinin vəziyyəti ağırdır.
Yanğının səbəbləri araşdırılır.
Bölmənin digər xəbərləri
