Apelyasiya müraciəti etmiş 96 namizədlə təkrar onlayn müsahibələr keçiriləcək
Bakı, 25 avqust, AZƏRTAC
Avqustun 28-də və 29-da müddətsiz əmək müqaviləsinin bağlanması məqsədilə keçirilən müsahibələrdə uğur qazanmayan və apelyasiya müraciəti etmiş 96 namizədlə təkrar onlayn müsahibələr keçiriləcək.
Təhsil Nazirliyindən AZƏRTAC-a bildirilib ki, təkrar müsahibənin keçirilmə tarixi barədə məlumat namizədlərin şəxsi səhifəsinə artıq göndərilib.
Apelyasiya müraciəti etmiş namizədlərin əvvəlki müsahibə videogörüntülərinə müvafiq komissiyalar tərəfindən baxılacaq və namizədlərə təkrar onlayn müsahibədə iştirak etmək üçün şərait yaradılacaq. Bu mərhələdə uğur qazanmış namizədlər ötən tədris ilində müddətli əmək müqaviləsi ilə işlədikləri təhsil müəssisəsinə 2020-2021-ci tədris ilindən etibarən müddətsiz əmək müqaviləsi əsasında işə qəbul ediləcəklər.
Bölmənin digər xəbərləri
