Aqrar İnnovasiya Mərkəzinin əməkdaşları ADAU-da görüş keçirib
Gəncə, 12 oktyabr, Elcan Məmmədov, AZƏRTAC
Aqrar İnnovasiya Mərkəzinin (AİM) direktor müavini Anar Cəfərov və mərkəzin Monitorinq və təhlil şöbəsinin müdiri Ramal Piriyev Azərbaycan Dövlət Aqrar Universitetinin (ADAU) bir qrup tələbə və müəllim heyəti ilə görüşüb.
AZƏRTAC-ın bölgə müxbiri xəbər verir ki, universitetin Aqrobiznes və idarəetmə fakültəsində baş tutan görüşdə tədris işləri üzrə prorektor dosent Anar Hətəmov ADAU və Aqrar İnnovasiya Mərkəzi arasında mümkün əməkdaşlıq imkanları barədə məlumat verib.
Sonra Aqrar İnnovasiya Mərkəzinin direktor müavini Anar Cəfərov mərkəzin yenidən təşkili, fəaliyyət istiqamətləri, həyata keçirilmiş layihələr və nəzərdə tutulan addımlarla bağlı ətraflı təqdimatla çıxış edib.
Görüşdə Elm şöbəsinin müdiri Elçin Nəsirov, Aqrobiznes və idarəetmə fakültəsinin dekanı Əlöysəd Əsgərov, ADAU İnnovasiya mərkəzinin koordinatoru Fərrux Rəhimov və innovativ layihələr və startaplar sahəsi ilə maraqlanan tələbələr iştirak ediblər. E.Nəsirov və F.Rəhimov Aqrar Universitetdə həyata keçirilən innovativ layihələr və startaplarla bağlı görülmüş işlər haqqında məlumat veriblər.
Bölmənin digər xəbərləri
