REGİONLAR
AQRAR LAYİHƏLƏR MALİYYƏLƏŞDİRİLİR
Azərbaycanda Dünya Bankının kənd təsərrüfatının inkişafı və kreditləşdirilməsi layihəsinin reallaşdırılmasına başlanılmışdır.
İqtisadi İnkişaf Nazirliyindən AZƏRTAC-ın müxbirinə bildirmişlər ki, bu layihədə kənd təsərrüfatının inkişafına 33,7 milyon ABŞ dolları məbləğində vəsait qoyulması nəzərdə tutulur. Hazırda layihə çərçivəsində 329 borcalan qrupuna 9,4 milyard manat kredit verilmişdir.
Xatırladaq ki, aqrar layihələrin maliyyələşdirilməsi üçün başqa imkanlar da vardır. Belə ki, Nazirlər Kabinetinin sərəncamı ilə Avropa Birliyinin vəsaiti hesabına formalaşmış Aqrar Kredit Fondu “Aqrarkredit” bank olmayan təşkilatına birləşdirilmişdir. Bu kredit təşkilatının hesabında təxminən 10 milyon ABŞ dolları məbləğində vəsait vardır.