“Araz-Naxçıvan” qvineyalı hücumçu transfer edib
Bakı, 14 iyul, AZƏRTAC
“Araz-Naxçıvan” komandası heyətini yeni futbolçu ilə gücləndirib.
Klubdan AZƏRTAC-a bildirilib ki, qvineyalı hücumçu Mara Mohamedlə 1 illik müqavilə imzalanıb.
Müxtəlif illərdə o, Fransanın “Loryan”, “Paris”, “Evian”, “Martiq”, “Stad Brioşan”, “İyer”, eləcə də Taylandın “Ratçaburi” və “Kançanaburi” klublarında çıxış edib. 30 yaşlı forvard 3 matçda Qvineya yığmasının formasını da geyinib. Futbolçunun həm də Fransa vətəndaşlığı var.
Qeyd edək ki, “Araz-Naxçıvan” buna qədər Tərlan Əhmədli, Ömər Buludov, Slavik Alxasov, İbrahim Piriyev, Ülvi İsgəndərov, Rəşad Həsənov, Alberto Qarsia Fernandes, Alexandro Herrera, Rövlan Muradov, İssuf Paro, Artur Auqusto Da Silva, Mustafa Əhmədzadə və Luka Dumançiçlə müqavilə imzalayıb.
Bölmənin digər xəbərləri
