ARDNŞ Gürcüstanın Qardabani rayonundakı Axalsopeli kəndinə təbii qaz kəməri çəkir
Qardabani, 3 noyabr (AZƏRTAC). Gürcüstan Baş nazirinin müavini, energetika naziri Kaxa Kaladze Qardabani rayonundakı Axalsopeli kəndinə “SOCAR Georgia Gas” şirkətinin yeni təbii qaz kəməri çəkməsi sahəsində işin gedişi ilə tanış olmuşdur.
Məlumat verilmişdir ki, ilin sonunadək kəndə 21 kilometr məsafədə yeni qaz kəmərinin çəkilişi başa çatdırılacaq və 550 abonentin təbii qazla təminatına şərait yaradılacaqdır.
Ümumilikdə azərbaycanlıların yığcam yaşadıqları Kvemo Kartli-Borçalı bölgəsində indiyədək təxminən 20 min abonentə təbii qaz verildiyi, bu ilin sonunadək daha 5 min abonenti təbii qazla təmin edəcək yeni kəmər çəkiləcəyi bildirilmişdir.
İslam Əliyev
AZƏRTAC-ın xüsusi müxbiri
Qardabani
Bölmənin digər xəbərləri
